بالصورة والتعليق والفيديو:مليون عراقي يتضامن مع أم لـ7 شهداء زارتها فراشة وحسبتها روح أحدهم

أم لسبعة شهداء رحلوا دفعة واحدة في #تفجير_الكرادة زارتها هذه الفراشة بعد منتصف الليل، ولا نعرف هل زارها أحد تيجان الراس ..أم أن الامر لايستحق؟
لتكن كل دمعة نسكبها على هذا الموقف..صرخة بوجه كل فاسد وفاشل

Advertisements
Advertisements

واليكم قصة الحاجة ام انمار وأبرز التعليقات على الفيديو

تعرف على القصة الكاملة لحكاية أم الشهداء ام أنمار مع الفراشة وشهدائها السبعة #فراشةأمانمار
شاهد أم انمار أم الشهداء في صورة لها مع أبنائها السبعة الذي رحلوا دفعة واحدة في #تفجير_الكرادة
وقال صديق الصفحة أبو امير حسن وهو من أقارب الشهداء في اتصال مع قل شيئا
أن الفراشة زارت الحجية الساعة واحدة الا ربع ليلا ودخلت اليها من شباك المطبخ
وكانت مؤمنة انهم اولادها واحفادها لذلك تحدثت مع الفراشة لتعرف أي منهم زارها
.
والحجية رغم ألمهاالكبير هي التي تصبّر باقي النساء المفجوعات في البيت لانها مؤمنة بان أبنائها شهداء سعداء
والألم في قلوب الجميع لا يوصف وخاصة على الشهيد علي ابن محمد وكان عمره ست سنين الله يرحمه حيث كان وجوده مؤثر جدا في البيت لأنه طفل ومحبوب جدا
.
وقال أبو امير إن اولاد الحجيه ثلاثة وكانوا أصحاب محلات عطور بمجمع الليث
الاول الكبير اسمه انمار والثاني محمد والثالث عمار ومحلاتهم متجاورة
والذين استشهدوا ليلة الحادثة ولدان وخمسة احفاد هم:
الولدان انمار ومحمد ومعه اولاده الثلاثة مؤمل واحمد وعلي
والسادس مهيمن ابن فاضل ابن اختهم
والسابع احمد ابن اخوهم الثالث عمار
..
والصورة هي للحجية مع الشهداء وهناك شهيد ثامن في الصوره وهذا اخو مهيمن استشهد قبل اخوه بأربع سنوات بانفجار وهم اولاد بنت الحجية وهي ما عدها بس ولدين لا يوجد ثالث أي ان ابنتها لم يبق لها اي ولد ولا بنت.
..
ألف رحمة على شهداء #الكرادة وجميع شهداء العراق الطيبين..
واللعنة على المجرمين والفاسدين والدواعش القتلة ..

اهداء الى ارواح شهداء الكرادة-شهداء انفجار الكرادة – مونتاج صور الشهداء- الى متى يابغداد

https://www.youtube.com/watch?v=Tyt7uim4V0E

 

 

 

https://www.youtube.com/watch?v=roS-LEtoVDE

أبرز التعليقات

Advertisements

Wafaa Wafaa

Advertisements
لاتعليق نفس الي يصير بيه ابني يزورني كل خميس ويروح الجمعه واحجي ويا وافرح بي انتو يمكن متصدكون بس هاي حقيقه لان الله رحمته واسعه يحب يصبر الام وميحب يحرم الابناء من شوفة امهاتهم هاي حقيقه الروح البريئه الله ينعم عليها بكل نعمه

Raghad Al Nasrawi

لا تعليق بناتي ماتو فد يوم في حادث وكل خميس تجي الفراشه وبلعرفا ت اجتي وكتلها هلا بيحن يمه جيتن عليه وتفتر داير مداير 😢😢الله يصبرنه يااارب

ام نورس (والدة الشهيدة في الموصل التي اغتالها الدواعش، نورس النعيمي)

يالله يرحم جميع شهداءنا واقسم بالله اني هو بنتي الوحيدة اعلاميه وطالبه جامعية مرحله اولى اغتالوها في الموصل قبل دخول الدواعش هم بسبب الحكومه الطائفيه حظها والله نفس شعور امهات الشهداء اشعر بيها من تجيني بالرؤيا ومرات احسها موجودة ويايه بالبيت واكلمها واسولف وياها وهسه صار سنتين بعيدة عن قبرها اتمنى ارجع للموصل واحضن قبرها واسولف وياه

طوق الياسمين

Advertisements
والله من اقول زوجي حبيبي عايش ويانه واشوفه واحجي وياه محد يصدقني …لهذا صرت مااقول واكتفي بزيارته وافرح بيها ….حتى القبر بعد ماصار يمثلي شي …الله يصبر كلمن فاقد احبابه

ام نورس

يالله يرحم جميع شهداءنا واقسم بالله اني هو بنتي الوحيدة اعلاميه وطالبه جامعية مرحله اولى اغتالوها في الموصل قبل دخول الدواعش هم بسبب الحكومه الطائفيه حظها والله نفس شعور امهات الشهداء اشعر بيها من تجيني بالرؤيا ومرات احسها موجودة ويايه بالبيت واكلمها واسولف وياها وهسه صار سنتين بعيدة عن قبرها اتمنى ارجع للموصل واحضن قبرها واسولف وياها

Ayob Asmaeel

Advertisements
ربي اعضاء البرلمان صار 13 سنه يسرقون ويقتلون ويحكمون هذا البلد اشو محد مات منهم او من اولادهم لو الموت ما يعرف بس الفقير ؟

قل شيئا

هو الموت والقتل مخصص فقط للفقير والضعيف ..المجتمع طبقات على الطريقة القديمة

شموخ علوية

فقدت اثنين بأن واحد ، ، كل فترة وفترة اشوف فراشتين بالحديقة تفتر وتجي اطب للبيت اكلهم جاين ديزورونة ، مع العلم الموسم مو ربيع يعني بغير موسم الفراشات ، والله اعلم ارواحهم الطاهرة.

Manar Shubbar

سواء كانت هذه الفراشة روح أم فراشة عادية أنظر الى تعلق قلب الأم بها وكأنه ابنها أي شيء يصبرها تتعلق به لا حول ولا قوة الا بالله العلي العظيم ..
دماء الشهداء لوثت ايادي الفاسدين فوق فسادهم كيف ستلاقون الله يوم الحساب؟!لكن كل الشعب العراقي يتوجب عليه عدم خوض تجربة انتخابات جديدة بإختيار أشخاص فاسدين وكل من يعطي صوته لشخص ملوث بالفساد فهو مثله
فأشباه الأشياء(ولم اقل أشخاص منجذبة الى بعضها)

قل شيئا

ملاحظة ثاقبة ومؤثرة جدا.. بالفعل دماء الشهداء لوثت عقول وقلوب الفاسدين أكثر مما سبق..قلوبهم اصبحت حجرا ولا يفكرون الا بصراعاتهم التافهة

Manar Shubbar

شكرا لكم .. صفحتكم تلمس المشاعر المجروحه .. واسم الصفحة قل شيئا يستنطقنا جميعا.. أصبحت واحة للحديث .. وانظروا ولا أي متحدث قال انت من اين ولا شنو توجهك .. اللعنة على من باع الوطن وسوق لترخيص الدم العراقي الغالي.

Noor Hj Alfatlawy

اخي اني سامعة أن روح المؤمن عندما تريد اتزور اهلها ياما تتعلق بعصفور يزور البيت بحيث يجذب انتباه المحبين في ذالك البيت او بفراشة او باي كاءن جميل بالاضافة الى انو قلب الام دليلها هاي غريزة عند الام من الله سبحانه وتعالى تعلم بابنها حتى لو على بعد الاف الكيلو مترات ولو نرجع للفيديو ياريت تنتبهون للغة الي بين الام وروح ابنهاManar Shubbar

Ayob Asmaeel

ربي اعضاء البرلمان صار 13 سنه يسرقون ويقتلون ويحكمون هذا البلد اشو محد مات منهم او من اولادهم لو الموت ما يعرف بس الفقير ؟؟؟
والله العظيم اخويه استشهد قبل فتره
ووالدتي حالتها سيئه ع فقدان ابنها فسبحان الله اكو فراشه تجيها بين فتره وفتره وتوكف ع ايديها وهاي الفراشه نفسها تجيها بعدة أماكن مو مكان واحد وبعيني شفتها وتكلي هذا ابني جايني ع صيغة فراشه واظل اسولف وياها اشلون هاي الحجيه وترتاح من اشوفها

Ayob Asmaeel

ربي اعضاء البرلمان صار 13 سنه يسرقون ويقتلون ويحكمون هذا البلد اشو محد مات منهم او من اولادهم لو الموت ما يعرف بس الفقير ؟؟؟

Lüoay Alsüowat

الله يرحمهم ومثواهم الجنة…احب اصحح المعلومة هاي العائلة راحولهم٧اشخاص وليس٥عائلة احمد الجاسم في الكرادة الشرقية واحد الشهداء محمد احمد الجاسم كان صديقي وزميلي في الدراسة وهو متزوج ولدية ثلاث اولاد استشهدوا معه في محله ..شبعاد للعطور في مجمع الليث التجاري ومحل اخوه عمار بجانبه وهو متزوج ولديه اولاد٢وايضا استشهدوا مع والدهم في نفس المكان …كان اخر لقاء لي مع صديقي محمد احمد الجاسم سنة ٢٠١٤قبل سفري خارج العراق كانوا من عائلة طيبة وعريقه في الكرادة الله يرحمهم جميعا مثواهم الجنة مع سيد الشهداء الامام الحسين ع…الفاتحة

كامل كاظم الراحجي

نعم اكيد…فان روح المتوفي تدخل في اي نوع من انواع الطيور والحشرات شفافة التصرف وتلقى قبول من البشر…اولا لتاخذ بعض الراحه وثانيا لتدخل لبيت ذوي المتوفي وتدخل بعض السرور عليهم ….رحم الله شهدائنا واسكنهم جنات النعيم

Enas Ali

Advertisements
هاي المرأة الصابرة والمجاهدة والمفجوعة هاي خالتها لامي والي استشهدوا سبعة مو خمسة ولدها الاثنين واحفادها الخمسة الله يصبرها والله يرحم الشهداء ويسكنهم فسيح جناته انا لله وانا اليه راجعون وﻻحول وﻻقوة إلا بالله العلي العظيم حسبنا الله ونعم الوكيل على كل من شارك باراقة هاي الدماء الزاكيات.

Abody Maha Ranoshy

مرة بيبيتي الله يرحمهة كاعدة بالهول وجتهة فراشة ضلت كاعدة يمهة جان تحاجيهة بيبيتي كالتلهة انتي منو لو انت منو تعاليلي بالحلم وكوليلي….
ثاني يوم والله تكول واحد من ولد عمي الميتين الله يرحمهم اجاهة بالحلم ….
بس كتجربة ممجربتهة والله….
والله يصبر قلب كل واحد فاقد عزيز على قلبة ويرحم جميع الاموات

Mohammed Jassim Al Saadi

حجي غازي يبيع لبن بالنعناع جدا طيب.. و معروف بالسوك عنده عربانه يفتر بيهه يبيع الكلاص بربع جنت بالبدايه كل ماشوفه اكول خطيه خل انفعه و اشتري منه .اشرب كلاص وره الثاني و ما اشبع جان كلش طيب يسوي و جان يردد كلمه..((عبالك لبن ))
اني اكله لعد هو شنو يجاوبني اي غير هو لبن و يتبعه بضحكه خفيفه ..
غازي جان نظره ضعيف كلش بصعوبه حتى يخلي الكلاصات بمكانهه..جنت متعاطف ويه حالته هوايه لان رغم مرضه و عمره هو يشتغل ..بس جنت احس وراه قصه طويله ..بيوم جنت كلش ضايج و فلوس ماعندي و شغل ماكو جانت سالفة الشغل مسويتلي قلق فضيع لان حالتي مو هلكد و ابويه ما يلحك على خواتيوو اخواني الصغار جنت كلش عصبي و اتعارك وي الدنيا ..
بيوم اجيت اشتري منه شفته يضحك على بساطته و عايش حياته شافني معبس و ضايج كلي ابني تخلص ما تبقه هيج متسوه تضوج و كملهه بضحكته المعهوده..شفت بنظراته كميه كلش جبيره من الامل برجال عمره يتجاوز 70 سنه..
مرت ايام و اشهر غازي عينه تضعف اكثر و اكثر و الناس كامت تحجي عليه لان مو مثل اللبن مال قبل ..حاولت كم مره اسأله حجي ليش ما ترتاح بالبيت ..يكلي عمي الدنيا صعبه ..حجي ماعندك ولد ؟ ..يجاوب ااااخ من ولدي ااااخ..حسيت بحسراته قصه ممكن تصير فلم بالسينما..
المهم اختفى حجي غازي فتره 6 اشهر هو ماكو سالت عليه بالسوك يكولون ماكو ما فايت صار فتره ..
رحت للكراج الي يبيت بي العربانه لكيت العربانه ماكلهه التراب من فتره..
ضليت حاير منين اجيب اخباره متلهف عبالك شخص غالي عليه ..و بنفس الوقت جنت هستوني مرتبط بشغل و داحاول اجلب حتى اعيش ..
بيوم شفت غازي بس بدون عربانه و لا لبن شفته اعمى و لابس نظاره سوده و عكازه و يجدي من الناس
حجي شنو السالفه شبيك ..والله ياابني عمري خلص و الله مدياخذ امانته و يخلصني..حجي كول غيرهه انشا الله عمرك طويل ..الله كريم يابني و الدمعه بعينه ..راح من يمي و حتى استحيت انطي فلوس ماعرف ليش ..وره اسبوع اتعلكت قطعه سوده ..انتقل الى رحمة الله حجي غازي
والد كل من الشهيد محمد و. الشهيد حيدر و الشهيد يوسف و الشهيد كريم ..
تفاجأت عنده 4 ولد و همه الاربعه مستشهدين بايام الطائفية موكفيهم ارهابين و قاتليهم الاربعه سوه..
انصدمت صدمه كلش كبيرة ..
بعد ما سالت اكثر تبين غازي جان يعيش 3 عوائل من عربانة اللبن ! ..لان 3 من اولاده متزوجين و عدهم اطفال
عنده اربعه شهداء و يضحك
براسه 3 عوائل و يضحك
حيل احتقرت نفسي لان جنت اضوج و اصير عصبي لأن ماعندي شغل وواني بعدني شاب بمقتبل عمري
و اشوف انسان بعمر جدي يشتغل و يضحك و مبتسم و كله أمل
الحياة عمرها ماوكفت على شغل لو على انسان
مو لازم تيأس من اول صدمه بحياتك لازم تستمر
و تحاول و توكع و تحاول و توكع و تحاول و اكيد حاتضل واكف بيوم من الايام

شاهد أيضاً

منصور الناصر عن “المحتفلين” في تفجير الكرادة:مازلنا نتاجر بأرواحنا، نستعملها وكأنها أحجار وأشياء

منصور الناصر عن تفجير الكرادة:مازلنا نتاجر بأرواحنا، نستعملها وكأنها أحجار وأشياء منابر ومقابر.. سواتر وزواجر …