النص الكامل لقصيدة الملا عبود الكرخي سنة ٤٥ ضد برلمان العراق والفساد كأنها قيلت اليوم!

للذكرى قصيدة الملا عبود الكرخي م الرگاع من ديرة عفج  أيام كان العراق بخير ويبني ويعمر نفسه !

Advertisements
Advertisements

قصيدة الملا عبود الكرخي باللهجة العراقية سنة ١٩٤٥ يصف بها الحكومه العراقية والبرلمان
قصيدة الملا عبود الكرخي سنة ١٩٤٥ يصف بها البرلمان العراقي و الحكومة العراقية وكأن هذه القصيده تصف حكومة العراق و برلمانها بالوقت الحاضر
حاولت قدر الامكان اترجم بعض الكلمات من اللهجة العراقية في الاسفل لكن لم أستطع ترجمتها بالشكل الصحيح المضبوط ههههههه

ولكن كل حرف گ هو ق في اللغة العربية الفصحى
و كل چ هو حرف ك في اللغة العربية الفصحة
وباقي الكلمات وضحت معاني ما استطعت عليه وخاضة التي تتواجد فيها هذه الحروف
عنوانها قيّم الرگاع من ديرة عفج وقد نظمها قبل 71 سنة !
مع الاعتذار لأهلنا الطيبين في عفك، ونرجو ان يتفهموا ان القصيدة تحمل معنى واسعا جدا.. لأن الامثال تضرب ولا تقاس
ويكفي أن نقول أن “الرقاع” الذي يريد ان يخيط فتوق الكبيرة جدا، لن ينجح في مهمته هذه أبدا ..
وعليه فأن كل من يدعي انه الرقاع الأمهر، ان لا يغش الناس بادعاءاته
الحل الوحيد هو اقرار حق المواطنة والمساوة والحكم الرشيد القائم على القانون لا على صراعات الطائفيين والوصوليين والمتخلفين..
وإليكم نص القصيدة التي تبدو وكانها كتبت اليوم!

قيم الرگاع من هاي اللحه
اتشوفه هيبه وعنده لحيه امسرحه
يشتم ابلا خجل وبلا مستحه
من ايحس المقعد اشويه اندحچ
قيم الرگاع من ديرة عفچ
برلمان اهل المحابس والمدس
عگب ماچانوا يدورون الفلس
هسه هم يرتشي وهم يختلس
ولو نقص من راتبه سنت انعقچ
قيم الرگاع من ديرة عفچ

Advertisements
Advertisements

اتشوف واحدهم امعگل بالوقار
وبالاصل تاريخه اسود كله عار
ابضر ثلث اسنين مليونير صار
ايريد عالوادم ايعبرله چلچ
قيم الرگاع من ديرة عفچ

گمت ما اعرف حماها امن الرجل
ياهو التكضه اهو ايمثل العدل
وگمنه نستورد الشلغم والفجل
لان كلها ضلت اتدور ودچ
قيم الرگاع من ديرة عفچ

Advertisements

والله ضيعنه الصدگ من الچذب
اتشوفه هيبه وحچيه المصفط عذب
ياخذك وايردك ابشرق وغرب
وبسچاچينه يدچك
حيل دچ
قيم الرگاع من يرة عفچ

حيل دوخني الحچي الماله ربط
وصار عندي سكر وحصبه وضغط
نفترش عاگول ونتغطه ابحسچ
قیم الرگاع من ديرة عفچ

گمت ما اميز الذيب امن الحمل
امنين ما التفت گلبي يشتعل
انه ما شايف شعب يتبع خبل
شاب راسي وتيهت كل السچچ
قيم الرگاع من ديرة عفچ

يا حكومتنه الرشيده ام الوقار
الفساد المالي عنوان الچ صار
ندري جابوكم ابدبابه وقطار
ليش ضليتوا سمچ ياكل سمچ
قيم الرگاع من ديرة عفچ

Advertisements

لازم انميز الزين امن الزلم
وننتخب كلمن شهم صاحب علم
ونرفض اللي يجي كل يوم ابفلم
من ايشوف المنصب اشويه اندرچ

معاني بعض الاشطر و الكلمات

Advertisements

1- قيم الركاع من ديرة عفج :- الركاع هو الذي يصلح تكرمون القنادر و الاحذية و عفج هي منطقة بمحافظة الديوانية في العراق كانوا سكانها حفاي (لا يملكون النقود حتى لشراء الاحذية) فيقال انه ذهب ركاع اليهم ليعمل بصنعته هناك فرجع الى دياره بعد ما لم يجد من ينتعل الاحذية هناك

Advertisements

2- اللحة جمع لحية
3- امسرحة :- اي مصففة (ممشطة)
4-اندحج :- اي تزحزح او دُفع
5- انعقچ : بمعنى تقلص نحو الداخل لكن نستخدمها باللهجة العامية بمعنى الشخص الذي يتذمر على الشيء
6-چلچ :- كلك – اي كلام غير منطقي او حاجة غير جيدة
7- تكضه :- يكض الشيء يعني ما اعرف شنو هههههههه
المعنى الصريح (تحمله) لكن هنا استخدمت بمعنى تكلمت معه
8- الماله :- الذي ليس له
9- العاكول :- نبات صحراوي ينبت في العراق له سلي مثل السلي في الورد ههههه
10- سچچ :- جمع سكة

اتمنى تكونوا قد فهمتم القصيدة لأن قصيدة جميلة جدا و خاصة المقطع الاخير

لازم انميز الزين امن الزلم
وننتخب كلمن شهم صاحب علم
ونرفض اللي يجي كل يوم ابفلم
من ايشوف المنصب اشويه اندرچ
قيم الرگاع من ديرة عفچ..

%d مدونون معجبون بهذه: