15 نصيحة ذهبية لتنظيف بيتك ومطبخك!
1- للمحافظة علي الكيك طريا لمدة طويله… حطي معاها قطعة خبز 🙂
2- ضيفي ورق الغار في اناء تخزين الدقيق ومش هتلاقي سوس ولا حشرات .
3- حطي نشادر في اركان المنزل و في اي ثقوب عندك و هترتاحي من الحشرات نهائياً 🙂
4- عشان تحافظي علي التواليت من الصفار .. صبي عليه نصف كوب خل وسبيبة طول الليل
والصبح نضفيه بطريقتك العادية 🙂
5- ابعدي البطاطس عن البصل عند التخزين عشان البصل يفضل سليم
6- استخدمي الشامبو لازالة الدهون من ايدك وازالة الاوساخ من الياقات
7- لو عندك بقعة كاتشب علي الهدوم حطي كمية كويسه من الجلسرين وضعفهم ميه وسبيهم علي البقع لمدة ساعة واغسليهم بعد كده بطريقتك العادية مش هتلاقي اثر للبقع 🙂
8- لو عندك فينو بايت حمصيه واطحنيه في الكبه وضيفي عليه ثوم بودر و بصل بودر وهيبقي بقسماط احسن من الجاهز 🙂
9- للتخلص من رائحة البهارات في المطحنة , اطحني بها شوية خبز محمص .
10- بلاش تحطي زيت في مية سلق المكرونة عشان بتخلي الصلصة مش تمسك فيها
11- بدل متعملي اكل مقلي حطيه في الرفن ورشيه بزيت قليل و هيبقي صحي اكثر وسعرات اقل 🙂
12- عشان تشيلي الدهون من الشوربة او الطبيخ , حطي 3 مكعبات ثلج هتتجمد كل الدهون علي الوش و شيلهم بالمعلقة
13- حطي ذرة ملح علي اي حاجة حلوة بتعمليها او للكيك عشان تظهر نكهة الحاجة اللي بتعمليها 🙂
14- تعالي اقولك علي سر قرمشة المقليات في المطاعم , حطي شوية بيكنج بودر علي البقسماط او الدقيق قبل القلية
15- لما تخلصي تنظيف بيتك هاتي حقنة وحطي فيها معطر وامشي علي كراسي الانتريه والصالون ورشي هتلاقي ريحة بيتك معطرة
