رسالة مؤلمة جدا من مقاتل عراقي عن مشاعره بعد تحرير الموصل

بعد اعلان العراق تحرير الموصل من تنظيم داعش، نشرت صفحة في الفيسبوك نص رسالة لأحد المقاتلين الذين شاركوا في تحرير المدينة، إليكم نصها:
“اني فقدت كل اصدقائي بمعركة الموصل مابقينة بس اني وكرار وبصراحة احنا هم نعتبر نفسنة اموات مانحس لابمكان ولا بزمان ولا عائلة ولا اي شي
مرات من ارجع للبيت احس نفسي غريب مكاني خالي ولا عبالك راجع من القتال ولازم ارتاح احس نفسي فراغ
فراغ وبس
مااكدر اتعامل وية الاحياء ونسيت شلون العيشة تصير وشلون الواحد المفروض يتفاعل وية الاحداث
اي صحيح اني اكل واشرب واضحك وعندي كل فعاليات الناس بس اني مو منكم ولا اكدر ارجع اصير منكم مرة ثانية
عائلتي احسهم غرب واني بنص حظهم احس بيني وبينهم مسافات
اني هسة لاميت ولا حي والشعور هذا يقتلني كل دقيقة
هنيال اللي اندفن بالتراب احسدهم اني
كل شخص خسرتة بالمعركة خسرت جزء من روحي وياه ووصلت لدرجة خسرت كلشي
رجعنا الكاع واحنا مارجعنا ولا واحد بينة رجع”